Story Dated: Saturday, March 28, 2015 03:15
മലപ്പുറം: ജില്ലയിലെ പ്രധാന ടൂറിസം കേന്ദ്രമായ കോട്ടക്കുന്നില്‍ 2.05 കോടി ചെലവില്‍ നിര്‍മിച്ച ലേസര്‍ ഷോയും മ്യൂസിക്കല്‍ ഫൗണ്ടെന്റെ ഉദ്‌ഘാടനവും സാഹസിക സഞ്ചാരികള്‍ക്കായുള്ള ജില്ലാ ടൂറിസം പ്രമോഷന്‍ കൗണ്‍സിലിന്റെ ക്രാഷ്‌ ഓഫ്‌ റോഡ്‌ റെയ്‌സും ഇന്ന്‌ (മാര്‍ച്ച്‌ 28) നടക്കും.
ഓഫ്‌റോഡ്‌ റെയ്‌സ് മത്സരങ്ങള്‍ രാവിലെ എട്ടിന്‌ കോട്ടക്കുന്നില്‍ തുടങ്ങി വൈകീട്ട്‌ അഞ്ചിന്‌ ഇരുമ്പുഴിയില്‍ അവസാനിക്കും. മത്സരങ്ങളിലെ ആദ്യ മൂന്ന്‌ സ്‌ഥാനക്കാര്‍ക്ക്‌ സമ്മാനം നല്‍കും. കോട്ടക്കുന്ന്‌ അരങ്ങ്‌ ഓപണ്‍ ഓഡിറ്റോറിയത്തില്‍ നടക്കുന്ന പരിപാടിയില്‍ ലേസര്‍ ഷോയുടെ ഉദ്‌ഘാടനം വൈകീട്ട്‌ 6.30ന്‌ ടൂറിസം വകുപ്പ്‌ മന്ത്രി എ.പി അനില്‍കുമാര്‍ നിര്‍വഹിക്കും. പി. ഉബൈദുള്ള എം.എല്‍.എ അധ്യക്ഷനാവും. ജില്ലാ പഞ്ചായത്ത്‌ പ്രസിഡന്റ്‌ സുഹറ മമ്പാട്‌, ടൂറിസം ഡയറക്‌ടര്‍ പി.ഐ ഷൈഖ്‌ പരീത്‌, ജില്ലാ കലക്‌ടര്‍ കെ.ബിജു, നഗരസഭാ ചെയര്‍മാന്‍ കെ.പി മുഹമ്മദ്‌ മുസ്‌തഫ തുടങ്ങിയവര്‍ പങ്കെടുക്കും.
from kerala news edited
via IFTTT
