സി.ബി.എസ്.ഇ. പന്ത്രണ്ടാം ക്ലാസ് ഗണിത ശാസ്ത്രം മൂല്യനിര്‍ണയത്തിന് വിദഗ്ധസമിതി
Posted on: 29 Mar 2015
റാസല്‍ഖൈമ: സി.ബി.എസ്.ഇ. പന്ത്രണ്ടാം ക്ലാസ്സിലെ ഗണിതശാസ്ത്രം പരീക്ഷയുടെ മൂല്യനിര്‍ണയം വിദഗ്ധ സമിതി പരിശോധിച്ച് ഫലം പ്രഖ്യാപിക്കുമെന്ന് സി.ബി.എസ്.ഇ. ഗള്‍ഫ് മേഖലാകൗണ്‍സിലര്‍ പ്രൊഫ. എം. അബൂബക്കര്‍ അറിയിച്ചു.
മാര്‍ച്ച് 18-ന് നടന്ന ഗണിതശാസ്ത്ര പരീക്ഷയ്ക്ക് സിലബസ്സില്‍ നിന്ന് വ്യതസ്തമായി വിഷമംപിടിച്ച ചോദ്യങ്ങളാണ് ഉണ്ടായിരുന്നത്. സമയബന്ധിതമായി പരീക്ഷയെഴുതി തീര്‍ക്കാനുള്ള ബുദ്ധിമുട്ടും കുട്ടികള്‍ക്ക് അനുഭവപ്പെട്ടു. ഇതിനെ തുടര്‍ന്ന് വിദ്യാര്‍ഥികളും രക്ഷിതാക്കളും അധ്യാപകരും ഈ വിവരങ്ങള്‍ സി.ബി.എസ്.ഇ. പരീക്ഷാബോര്‍ഡിനെ അറിയിച്ചതുപ്രകാരമാണ് പ്രസ്തുത വിഷയത്തിലെ പ്രാവീണ്യമുള്ള വിദഗ്ധസമിതിയെ നിയോഗിച്ചത്. ഈ സമിതിയുടെ നിര്‍ദേശപ്രകാരമുള്ള മൂല്യനിര്‍ണയ പദ്ധതിയുടെ അടിസ്ഥാനത്തിലാണ് പരീക്ഷാഫലം തയ്യാറാക്കുകയെന്നും കൗണ്‍സിലര്‍ അറിയിച്ചു.
from kerala news edited
via IFTTT
