Story Dated: Tuesday, February 10, 2015 11:25
മുംബൈ: ഡല്‍ഹി തെരഞ്ഞെടുപ്പില്‍ ഉജ്വല വിജയം നേടിയ അഴിമതി വിരുദ്ധ പോരാട്ടത്തിലെ പഴയ സഹപ്രവര്‍ത്തകന്‍ അരവിന്ദ് കെജ്‌രിവാളിന് അഭിനന്ദനവുമായി അണ്ണാ ഹസാരെ. മുഖ്യമന്ത്രി സ്ഥാനത്തെത്തുമ്പോള്‍ പഴയ മുദ്രാവാക്യം കെജ്‌രിവാള്‍ മറന്നുപോകരുത്. അഴിമതി വിരുദ്ധ പോരാട്ടത്തിലൂടെ ജനങ്ങളുടെ വിശ്വാസം നേടാന്‍ കെജ്‌രിവാളിന് കഴിഞ്ഞു. അതിനുള്ള പിന്തുണയാണ് ഇപ്പോള്‍ ലഭിച്ചത്. പഴയ തെറ്റുകള്‍ ആവര്‍ത്തിക്കരുതെന്ന മാത്രമാണ് തനിക്കു പറയാനുള്ളതെന്നും അണ്ണാ ഹസാരെ പറഞ്ഞു.
ഡല്‍ഹി ഫലം നരേന്ദ്ര മോഡിക്കേറ്റ തിരിച്ചടിയാണ്. കര്‍ഷകരില്‍ നിന്നും ഭൂമി തിരിച്ചുപിടിക്കാന്‍ അധികൃതര്‍ക്ക് അനുമതി നല്‍കുന്ന നിയമം കൊണ്ടുവരുന്ന മോഡിക്കുള്ള തിരിച്ചടിയാണിതെന്നും അദ്ദേഹം പറഞ്ഞു. മഹാരാഷ്്രടയിലെ റാലേഗണ്‍ സിദ്ധിയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു ഹസാരെ
from kerala news edited
via IFTTT
