Story Dated: Tuesday, February 10, 2015 11:43
മുംബൈ: മോസ്‌കോയില്‍ നിന്ന്‌ ഡല്‍ഹിയിലേക്ക്‌ വന്ന എയര്‍ ഇന്ത്യ ഡ്രീംലൈനര്‍ അപകടത്തില്‍ നിന്ന്‌ രക്ഷപെട്ടത്‌ ഭാഗ്യം കൊണ്ട്‌. മോസ്‌കോയില്‍ നിന്ന്‌ പറന്നുയരുന്നതിനു തൊട്ടു മുമ്പ്‌ ഒരു യാത്രക്കാരന്‍ വിമാനത്തിന്റെ വാതില്‍ തുറന്നതാണ്‌ ആശങ്കയ്‌ക്കു വഴിവച്ചത്‌. കഴിഞ്ഞയാഴ്‌ചയായിരുന്നു സംഭവം.
വാതില്‍ തുറന്നതോടെ എസ്‌കേപ്പ്‌ റാഫ്‌റ്റ് താഴേക്ക്‌ വീണു. എന്നാല്‍, ഇത്‌ എയ്‌റോ ബ്രിഡ്‌ജിനു മുകളിലേക്ക്‌ വീണതിനാല്‍ ആളപായമൊന്നുമുണ്ടായില്ല. എഞ്ചിനിയറിംഗ്‌ സംഘമെത്തിയാണ്‌ ഇത്‌ പീന്നീട്‌ വിമാനത്തില്‍ നിന്ന്‌ വേര്‍പെടുത്തിയത്‌.
വാഷ്‌ റൂമില്‍ നിന്ന്‌ മടങ്ങുകയായിരുന്ന ഒരു യാത്രക്കാരനാണ്‌ വാതില്‍ തുറന്നത്‌. ഒരു വിമാനജോലിക്കാരന്‍ ആവശ്യപ്പെട്ടത്‌ അനുസരിച്ചാണ്‌ താന്‍ വാതില്‍ തുറന്നതെന്നും അത്‌ തുറക്കരുത്‌ എന്ന്‌ അറിയില്ലായിരുന്നുവെന്നാണ്‌ ഇയാള്‍ ചോദ്യം ചെയ്യലില്‍ പറഞ്ഞത്‌.
from kerala news edited
via IFTTT
