Story Dated: Wednesday, February 11, 2015 01:50
ന്യൂഡല്‍ഹി : പ്രസംഗം കൊണ്ട്‌ തെരഞ്ഞെടുപ്പില്‍ വിജയിക്കാനാകില്ലെന്ന്‌ ശിവസേന മുഖപത്രം 'സാമ്‌ന'. ഡല്‍ഹിയിലെ ബിജെപിയുടെ പരാജയം നരേന്ദ്ര മോഡിയുടെ പരാജയമാണ്‌. കിരണ്‍ബേദിക്ക്‌ മാത്രമല്ല പരാജയത്തിന്റെ ഉത്തരവാദിത്വം ഉള്ളതെന്നും ഡല്‍ഹിയില്‍ ബിജെപി നേരിട്ട വന്‍ പരാജയത്തിന്‌ കാരണം മോഡിയാണെന്ന്‌ പറയുന്നതില്‍ തെറ്റില്ല. ഇക്കാര്യത്തില്‍ അഭിപ്രായ വ്യത്യാസമുണ്ടെങ്കില്‍ ബി.ജെ.പിതന്നെ ഇക്കാര്യം വ്യക്‌തമാക്കണമെന്നും മുഖപ്രസംഗത്തില്‍ പറയുന്നു.
ഡല്‍ഹിയിലേത്‌ വെറുമൊരു തരംഗമല്ല, സുനാമിയാണെന്നും ഇത്‌ ജനാധിപത്യത്തിന്റെ വന്‍ വിജയമാണെന്നും ശിവസേനാ നേതാവ്‌ ഉദ്ധവ്‌ താക്കറെ ഇന്നലെ പ്രതികരിച്ചിരുന്നു. വന്‍ വിജയം നേടിയ കെജ്രിവാളിനെ അഭിനന്ദിക്കുന്നതിനോടൊപ്പം രാജി വെക്കാതെ ജനങ്ങള്‍ക്കുവേണ്ടി അദ്ദേഹം പ്രവര്‍ത്തിക്കമെന്നും ഉദ്ധവ്‌ താക്കറെ പറഞ്ഞു. 14 ന്‌ നടക്കുന്ന സത്യപ്രതിജ്‌ഞാ ചടങ്ങിലേയ്‌ക്ക് എ.എ.പി ക്ഷണിച്ചാല്‍ താന്‍ പങ്കെടുക്കുമെന്നും അദ്ദേഹം കൂട്ടിച്ചേര്‍ത്തു.
from kerala news edited
via IFTTT
