ഡോ:ഗീവര്‍ഗീസ് മാര്‍ യൂലിയോസിനു കുവൈത്തില്‍ സ്വീകരണം
Posted on: 11 Feb 2015
മലങ്കര ഓര്‍ത്തഡോക്‌സ് സഭ അഹമ്മദാബാദ് ഭദ്രാസനാധിപനായ പുലിക്കോട്ടില്‍ ഡോ.ഗീവര്‍ഗീസ് മാര്‍ യുലിയോസ് ഓര്‍ത്തഡോക്‌സ് തിയോളജിക്കല്‍ സെമിനാരി അധ്യാപകനും പ്രമുഖ വേദപണ്ഡിതനുമാണ്. കുവൈത്ത് സെ.സ്റ്റീഫന്‍സ്് ഇന്ത്യന്‍ ഓര്‍ത്തേഡോക്‌സ് ഇടവകയുടെ ഹാര്‍വെസ്റ്റ് ഫെസ്റ്റിവലില്‍ മുഖ്യാതിഥി ആണ് ഇദ്ദേഹം. മലങ്കര ഓര്‍ത്തഡോക്‌സ് സുറിയാനി സഭയുടെ മൂന്നു യുവ ബിഷപ്പുമാരില്‍ ഒരാളാണ് ഇദ്ദേഹം.
ഫിബ്രവരി 12 ന് വൈകീട്ട് 7 മണിക്ക് എന്‍.ഇ.സി.കെയില്‍ വി.കുര്‍ബാന അര്‍പ്പിക്കും. ഫിബ്രവരി 13 ന് ഖൈത്താന്‍ ഇന്ത്യന്‍ കമ്മ്യൂണിറ്റി സ്‌കൂളില്‍ നടക്കുന്ന ഹാര്‍വെസ്റ്റ് ഫെസ്റ്റിവല്‍ പൊതുസമ്മേളനത്തില്‍ മാര്‍ യുലിയോസ് അധ്യക്ഷത വഹിയ്ക്കും.
പൊതുസമ്മേളനത്തിന് ശേഷം പ്രശസ്ത പിന്നണി ഗായകരായ കെ.ജി.മാര്‍ക്കോസും സിസിലി എബ്രഹാമും കെ.ജെ. ബിനോയും നയിക്കുന്ന ഗാനമേളയും സണ്ഡേ സ്‌കൂള്‍ കുട്ടികളുടെയും മറ്റ് ആധ്യാത്മിക സംഘടനകളുടെയും നേതൃത്വത്തില്‍ വിവിധ കലാപരിപാടികള്‍, നാടന്‍ തട്ടുകട, ഫുഡ് സ്റ്റാളുകല്‍, ഗെയിമുകള്‍ എന്നിവയും ഉണ്ടായിരിക്കുന്നതാണ്. ഏവരെയും ഹാര്‍വെസ്റ്റ് ഫെസ്റ്റിവലിന് സ്വാഗതം ചെയുന്നു.
പി.സി.ഹരീഷ്
from kerala news edited
via IFTTT
