സംസ്‌കൃതി ഖത്തര്‍ ബോധവത്കരണ ക്യാമ്പയിന്‍ സംഘടിപ്പിക്കുന്നു
Posted on: 12 Feb 2015
ദോഹ: ഖത്തര്‍ പരിസ്ഥിതിദിന പരിപാടികളുടെ ഭാഗമായി സംസ്‌കൃതി ഖത്തര്‍ ബോധവത്ക്കരണ ക്യാമ്പയിന്‍ സംഘടിപ്പിക്കുമെന്ന് സംഘാടകര്‍ പത്രസമ്മേളനത്തില്‍ അറിയിച്ചു. ഭവന്‍സ് പബ്ലിക് സ്‌കൂളില്‍ വൃക്ഷത്തൈ നടലും ദോഹ കോര്‍ണിഷില്‍ കൂട്ടയോട്ടവും ഇതിന്റെ ഭാഗമായി സംഘടിപ്പിക്കും. ഖത്തര്‍ പരിസ്ഥിതി മന്ത്രാലയവും ഇന്ത്യന്‍ കള്‍ച്ചറല്‍ സെന്ററും പോഷക സംഘടനകളുമായി ചേര്‍ന്ന് ആസൂത്രണം ചെയ്ത ഒന്നര മാസം നീളുന്ന പരിസ്ഥിതി ബോധവത്ക്കരണ പരിപാടികളുടെ ഭാഗമായാണ് സംസ്‌കൃതി പരിപാടികള്‍ നടത്തുന്നത്.
ക്യാമ്പയിനിന്റെ ഉദ്ഘാടനം ഐ.സി.സി ഹാളില്‍ ഐ.സി.സി ഹെല്‍ത്ത് ആന്റ് സേഫ്റ്റി വിഭാഗം തലവന്‍ പലാഷ് കുമാര്‍ ദാസാണ് നിര്‍വഹിച്ചത്. ക്യാമ്പയിനിന്റെ ഭാഗമായി സ്‌കൂളുകളിലും മറ്റിടങ്ങളിലുമായി വിവിധ വിഷയങ്ങളിലെ സെമിനാറുകള്‍, പരിസ്ഥിതി ശുചീകരണം, ഊര്‍ജ്ജ സംരക്ഷണ മത്സരം തുടങ്ങിയ പരിപാടികള്‍ സംഘടിപ്പിച്ചു. മന്ത്രാലയത്തിന്റെ സഹായത്തോടെ ശമാലില്‍ കടല്‍ത്തീരം ശുചീകരിച്ചിരുന്നു. പത്രസമ്മേളനത്തില്‍ പി എന്‍ ബാബുരാജ്, ജലീല്‍, അഹ്മദ് കുട്ടി ആറളയില്‍, സന്തോഷ് തൂണേരി, ഒ.കെ.സന്തോഷ് എന്നിവര്‍ പങ്കെടുത്തു.
അഹമ്മദ് പാതിരിപ്പറ്റ
from kerala news edited
via IFTTT
