Story Dated: Thursday, February 12, 2015 12:07
ബന്ദിപോര: ജമ്മു കശ്മീരിലെ ബന്ദിപോറ ജില്ലയില്‍ സൈന്യത്തിന്റെ ധ്രുവ ഹെലികോപ്ടര്‍ തകര്‍ന്നുവീണ് രണ്ടു സൈനികര്‍ കൊല്ലപ്പെട്ടു. 202 ആര്‍മി ഏവിയേഷന്‍ വ്യൂഹത്തില്‍പെടുന്ന സൈനികരാണ് കൊല്ലപ്പെട്ടതെന്ന് സൈന്യം അറിയിച്ചു. ബുധനാഴ്ച രാത്രി ഏഴുമതിയോടെ മസന്ബാള്‍ മേഖലയിലായിരുന്നു അപകടം. കോപ്ടറിന്റെ നിയന്ത്രണം നഷ്ടമായതാണ് അപകടകാരണം.
രാത്രികാല സൈനികാക്രമണത്തിനുള്ള പരിശീലനത്തിനിടെയായിരുന്നു അപകടം. സഫപോറയിലെ കുര്‍ഷു വനത്തിലാണ് കോപ്ടര്‍ തകര്‍ന്നുവീണത്. പൈലറ്റും സഹപൈലറ്റും ലഫ്റ്റനന്റ്, മേജര്‍ റാങ്കിലുള്ളവരാണെന്ന് സൈന്യം വെളിപ്പെടുത്തി. എന്നാല്‍ മരണപ്പെട്ടവരുടെ പേരുവിവരം പുറത്തുവിട്ടിട്ടില്ല.
from kerala news edited
via IFTTT
