Story Dated: Wednesday, March 11, 2015 10:46
വാഷിംഗ്‌ടണ്‍: മോഡലുകള്‍ക്ക്‌ ബിക്കിനി ഫോട്ടോ ഷൂട്ടിന്‌ തോക്ക്‌ നല്‍കിയ പോലീസുകാര്‍ക്ക്‌ സസ്‌പെന്‍ഷന്‍. സുന്ദരികളുടെ ഹോട്ട്‌ ഫോട്ടോ ഷൂട്ടിന്‌ സ്വന്തം തോക്ക്‌ നല്‍കിയ ജസ്‌റ്റിന്‍ ഹസ്നന്, റോബ്‌ വില്‍ക്കിന്‍സണ്‍ എന്നീ പോലീസ്‌ ഉദ്യോഗസ്‌ഥരാണ്‌ വെട്ടിലായത്‌. പ്രത്യേകം പരിശീലനം ലഭിച്ച പോലീസ്‌ ഉദ്യോഗസ്‌ഥര്‍ മാത്രം ഉപയോഗിക്കുന്ന തോക്ക്‌ മോഡലുകള്‍ക്ക്‌ നല്‍കിയതിനാണ്‌ ഇവര്‍ക്ക്‌ സസ്‌പെന്‍ഷന്‍ നല്‍കിയത്‌.
വില്‍ക്കിന്‍സണിന്‌ മൂന്ന്‌ ദിവസവും, ഹസ്നന് ഒരു ദിവസവുമാണ്‌ സസ്‌പെന്‍ഷന്‍ ലഭിച്ചിരിക്കുത്‌. അര്‍ദ്ധനഗ്നരായി നില്‍ക്കുന്ന മോഡലുകളുടെ അടുത്ത്‌ പോലീസ്‌ ഉപയോഗിക്കുന്ന തോക്ക്‌ കണ്ടതാണ്‌ വിവാദങ്ങള്‍ക്ക്‌ ഇടവെച്ചത്‌. ഹോട്ട്‌ ഷോട്ട്‌ കലണ്ടര്‍ 2015ന്‌ വേണ്ടിയായിരുന്നു ബിക്കിനി ചിത്രീകരണം. മേലുദ്യോഗസ്‌ഥരുടെ അനുമതിയില്ലാതെയാണ്‌ ഇവര്‍ മോഡലുകള്‍ക്ക്‌ തോക്ക്‌ നല്‍കിയത്‌. സംഭവം ടി.വിയില്‍ എത്തിയപ്പോഴാണ്‌ മേലുദ്യോഗസ്‌ഥര്‍ ഇക്കാര്യം അറിയുന്നത്‌.
from kerala news edited
via IFTTT
