Story Dated: Saturday, January 10, 2015 07:29
വിളപ്പില്‍ശാല: വീടിനരികില്‍ പാര്‍ക്ക്‌ ചെയ്‌തിരുന്ന ഓട്ടോറിക്ഷ ഇന്നലെ രാത്രി കത്തിച്ചു. വിളപ്പില്‍ശാല ചെക്കിട്ടപ്പാറ പ്ലാവിള പുത്തന്‍വീട്ടില്‍ രതീഷ്‌(23) ഓടിക്കുന്ന ഓട്ടോറിക്ഷയാണ്‌ കത്തിച്ചത്‌. രതീഷിന്റെ മാതൃസഹോദരന്‍ തൊളിക്കോട്‌ സ്വദേശിയായ തങ്കരാജിന്റെ ഉടമസ്‌ഥതയിലുളള കെ.എല്‍. 21 എഫ്‌ 1216 നമ്പര്‍ഓട്ടോറിക്ഷയാണ്‌ പൂര്‍ണമായി കത്തിനശിച്ചത്‌.
വിളപ്പില്‍ശാല ക്ഷേത്ര ജംഗ്‌ഷനിലെ സ്‌റ്റാന്‍ഡില്‍ ഓടുന്ന രതീഷ്‌ വീടിനരികിലുളള റബര്‍ തോട്ടത്തോട്‌ ചേര്‍ന്നുളള പഞ്ചായത്ത്‌ തടത്തിലാണ്‌ ഓട്ടോറിക്ഷ ഒതുക്കിയിടുന്നത്‌. ഓട്ടംകഴിഞ്ഞ്‌ എട്ടിന്‌ വൈകിട്ട്‌ നാലിന്‌ പതിവുസ്‌ഥലത്ത്‌ ഓട്ടോ ഒതുക്കിയിട്ടു. രാത്രി 10.30ന്‌ ഉറങ്ങാന്‍ കിടക്കുന്നതിനുമുന്‍പ്‌ നോക്കിയപ്പോഴും ഓട്ടോ കിടക്കുന്നത്‌ കണ്ടതായി രതീഷ്‌ പറയുന്നു.
ഇന്നലെ പുലര്‍ച്ചെ 5.30ന്‌ റബര്‍ വെട്ടാനെത്തിയവരാണ്‌ ഓട്ടോറിക്ഷ കത്തി നശിച്ച നിലയില്‍ കണ്ടത്‌. സംഭവത്തില്‍ പ്രതിഷേധിച്ച്‌ വിളപ്പില്‍ശാല ക്ഷേത്ര ജംഗ്‌ഷനില്‍ ഇന്നലെ രാവിലെ ആറുമുതല്‍ വൈകിട്ട്‌ ആറുവരെ ഓട്ടോ തൊഴിലാളികള്‍ പണിമുടക്കി.
from kerala news edited
via IFTTT
