Story Dated: Saturday, January 10, 2015 03:24
തേഞ്ഞിപ്പലം: കയറ്റിയിറക്കു തൊഴിലാളികളുടെ സമരത്തെ തുടര്‍ന്നു ഇന്നലെയും ചേളാരി ഐ.ഒ.സി പ്ലാന്റ്‌ പ്രവര്‍ത്തനം സ്‌തംഭിച്ചു. അധിക ജോലിക്കുള്ള വേതനം വെട്ടിക്കുറച്ചതില്‍ പ്രതിഷേധിച്ചാണു തൊഴിലാളികള്‍ മൂന്നു ദിവസമായി പ്രതിഷേധ സമരം നടത്തുന്നത്‌. വെട്ടിക്കുറച്ച അധിക ശമ്പളം നല്‍കാന്‍ ഐ.ഒ.സി അധികൃതര്‍ തയ്ായറായെങ്കിലും തൊഴിലാളികള്‍ ജോലിക്കു ഹാജരായില്ല. ദിവസ വേതനാടിസ്‌ഥാനത്തില്‍ ആറു തൊഴിലാളികളെ നിയമിക്കുന്നതിനു കരാറുകാരനു അധികൃതര്‍ അനുമതി നല്‍കിയിരുന്നു. ഇതു റദ്ദാക്കണമെന്നാണു തൊഴിലാളികളുടെ പുതിയ ആവശ്യം. ശമ്പളം പുനസ്‌ഥാപിച്ചു നല്‍കിയെങ്കിലും ഒരു വിഭാഗം തൊഴിലാളികള്‍ ജോലിയില്‍ നിന്നു വിട്ടു നിന്നതിനാല്‍ നൂറ്റു എഴുപത്‌ ലോഡ്‌ ഗ്യാസ്‌ സിലിണ്ടര്‍ കയറ്റി അയയ്‌ക്കുന്നത്‌ തടസ്സപ്പെട്ടതിനാല്‍ മലബാറിലെ പാചകവാതക ക്ഷാമം രൂക്ഷമായി.
from kerala news edited
via IFTTT
