മുത്തൂരില്‍ ഗൃഹനാഥനെയും ബന്ധുക്കളെയും വീടുകയറി ആക്രമിച്ചു

Story Dated: Saturday, January 10, 2015 07:54

തിരുവല്ല: മുത്തൂരില്‍ ഗൃഹനാഥനെയും ബന്ധുക്കളെയും വീടുകയറി ആക്രമിച്ചു. മൂന്നു പേര്‍ക്ക്‌ പരുക്കേറ്റു. മുത്തൂര്‍ പന്നിക്കുഴി പാലത്തിനു സമീപം പുതിയവീട്ടില്‍ ബോസ്‌(61), ഭാര്യ പങ്കജവല്ലി(52) മരുമകള്‍ രഞ്ചു(25)എന്നിവര്‍ക്കാണ്‌ പരുക്കേറ്റത്‌. വ്യാഴാഴ്‌ച രാത്രി എട്ടിനാണ്‌ സംഭവം. അയല്‍വാസിയായ യുവാവും സഹായിയും ചേര്‍ന്ന്‌ ഇവരെ വീട്ടിലെത്തി ആക്രമിക്കുകയായിരുന്നു.

വീട്ടില്‍ നിന്നു വലിച്ചിഴച്ച ബോസിനെയും കുടുംബത്തെയും സമീപവാസികള്‍ ചേര്‍ന്നാണ്‌ ആശുപത്രിയിലെത്തിച്ചത്‌. പരുക്കേറ്റ ഇവരെ തിരുവല്ല താലൂക്ക്‌ ആശുപത്രിയില്‍ പ്രവേശിപ്പിച്ചു. സമീപത്തെ തിനങ്കയില്‍ രാജന്റെ വീടിന്റെ ജനാലച്ചില്ലുകള്‍ മാരകായുധങ്ങളുമായി എത്തിയ അക്രമികള്‍ തകര്‍ത്തതായും പരാതിയുണ്ട്‌. തിരുവല്ല പോലിസ്‌ കേസെടുത്തു.

from kerala news edited

via IFTTT