Story Dated: Saturday, January 17, 2015 11:42
തിരുവനന്തപുരം: മന്ത്രി കെ.എം മാണിക്കെതിരായ ബാര്‍ കോഴ ആരോപണത്തില്‍ മൊഴി നല്‍കുന്നതിന് ബാര്‍ ഓണേഴ്‌സ് അസോസിയേഷന്‍ അംഗങ്ങള്‍ വിജിലന്‍സിനു മുമ്പാകെ ഹാജരായി. വിജിലന്‍സുമായി സഹകരിക്കുമെന്ന് അസോസിയേഷന്‍ പ്രസിഡന്റ് ഡി. രാജ്കുമാര്‍ അറിയിച്ചു. മതിയായ തെളിവുകളെല്ലാം ശേഖരിച്ചിട്ടുണ്ടെന്നും രാജ്കുമാര്‍ പറഞ്ഞു.
നേരത്തെ വിജിലന്‍സിനു മുമ്പാകെ മൊഴി നല്‍കുന്നതിന് ബാറുടമകള്‍ സാവകാശം തേടിയിരുന്നു. തെളിവുകള്‍ ശേഖരിക്കുന്നതിനാണ് സാവകാശം ചോദിച്ചത്. മാണി മൂന്നു തവണയായി ഒരു കോടി രൂപ കോഴ കൈപ്പറ്റിയെന്നാണ് അസോസിയേഷന്‍ വര്‍ക്കിംഗ് പ്രസിഡന്റ് ബിജു രമേശ് ഉന്നയിച്ച ആരോപണം.
from kerala news edited
via IFTTT
