കോഴിക്കോട്: എങ്ങും മാലിന്യവും വിഷവും പടരുന്ന നമ്മുടെ ആവശ്യത്തേക്കുറിച്ച് ചോദിക്കാനും പറയാനും ആരുമില്ലെന്ന് നടന്‍ മോഹന്‍ലാല്‍. അധികാരത്തിലിരിക്കുന്നവര്‍ക്ക് മദ്യം, സോളാര്‍, കോഴ തുടങ്ങിയ വിഷയങ്ങളുണ്ട്. അവരെ ഇതിനൊന്നും പ്രതീക്ഷിക്കേണ്ടെന്നും മോഹന്‍ലാല്‍ തന്റെ ബ്ലോഗിലെഴുതി.
ഈ വിഷമടിക്കല്‍ ഇപ്പോഴും തുടരുന്നു. ആരുമില്ലേ ചോദിക്കാനും പറയാനും. എങ്ങനെയാണ് എന്നാണ് നാം ഇതില്‍ നിന്ന് ഒന്ന് കരകയറുക? ആരാണ് രക്ഷകനായി വരിക. അധികാര സ്ഥാനത്തുള്ളവരെ പ്രതീക്ഷിക്കേണ്ട. അവര്‍ക്ക് കോഴ, മദ്യം, സോളാര്‍ തുടങ്ങി നിരവധി വിഷയങ്ങളുണ്ട് തലപുകക്കാന്‍. നമ്മുടെ കാര്യം നാം തന്നെ ചിന്തിക്കേണ്ടിയിരിക്കുന്നു.
മലിനീകരണമില്ലാത്തിന്റെ വൃത്തി, ശബ്ദഘോഷങ്ങളില്ലായ്മയുടെ സൗന്ദര്യം എന്നിവ അന്റാര്‍ട്ടിക്കയില്‍ ആവോളം ആസ്വദിച്ചുവെന്നും മോഹന്‍ലാല്‍ പറയുന്നു. കേരളത്തില്‍ മഴക്ക് മഴ, പുഴക്ക് പുഴ. കുന്നുകള്‍, കുളങ്ങള്‍, കാടുകള്‍, കാറ്റുകളും, ഞാറ്റുവേലകളും, മാധുര്യമുള്ള മഞ്ഞ്, തെളിഞ്ഞ വെയില്‍ ഒന്നും ഒട്ടും അധികമില്ല. നെടുമുടിവേണുവിന്റെ ഭാഷയില്‍ പറഞ്ഞാല്‍ പരിപാകം. സമയം തെറ്റാതെ വരുന്ന ഇവക്കനുസരിച്ച സുഖകരവും സ്വസ്ഥവുമായ ജീവിതമാണ് സുഖിമാനായ മലയാളിയെ ഉണ്ടാക്കിയതെന്ന നിരീക്ഷണവും ബ്ലോഗ് പോസ്റ്റിലുണ്ട്.
from kerala news edited
via IFTTT
