Story Dated: Tuesday, December 23, 2014 06:31
കോതമംഗലം: കുട്ടമ്പുഴ പഞ്ചായത്തിലെ പന്തപ്ര ആദിവാസിക്കുടിയില്‍ ഒടുവില്‍ വൈദ്യുതി വെളിച്ചമെത്തി. ഏറെ കാത്തിരിപ്പിനുശേഷം ഇന്നലെ ഉച്ചയോടെ മുപ്പത്തിയാറ്‌ വഴിവിളക്കുകള്‍ തെളിഞ്ഞതോടെയാണ്‌ കാടകം പ്രകാശപൂരിതമായത്‌. ടി.യു. കുരുവിള എം.എല്‍.എ. ഉദ്‌ഘാടനം നടത്തി. ജില്ലാ പഞ്ചായത്ത്‌ അംഗം ജെസി സാജു, പഞ്ചായത്ത്‌ പ്രസിഡന്റ്‌ കെ.എ. അബ്‌ദുള്ളകുഞ്ഞ്‌, പഞ്ചായത്ത്‌ അംഗം സി.ജെ.എല്‍ദോസ്‌, കെ.എസ്‌.ഇ.ബി. ഉന്നത ഉദ്യോഗസ്‌ഥര്‍ തുടങ്ങിയവര്‍ പങ്കെടുത്തു.
പന്തപ്രയില്‍ 1.13 കിലോമീറ്റര്‍ ദൂരത്തില്‍ 46 പോസ്‌റ്റുകളിലായാണ്‌ വഴിവിളക്കുകള്‍ സ്‌ഥാപിച്ചിട്ടുള്ളത്‌. വീടുകളുടെ വൈദ്യുതീകരണം പൂര്‍ത്തിയാകുന്ന മുറക്ക്‌ വൈദ്യുതി കണക്ഷന്‍ നല്‍കും. വാരിയത്തുനിന്നും ഇവിടെയെത്തി അടിസ്‌ഥാന സൗകര്യങ്ങളില്ലാതെ ജീവിച്ചിരുന്ന ആദിവാസികള്‍ക്ക്‌ എറണാകുളം ജില്ലാ കലക്‌ടര്‍ എം.ജി. രാജമാണിക്യം പ്രഖ്യാപിച്ച വികസനപദ്ധതികളിലൊന്നാണ്‌ ഇപ്പോള്‍ നടപ്പിലായിരിക്കുന്നത്‌.
from kerala news edited
via IFTTT
