മാഞ്ചസ്റ്റര്‍ കാത്തലിക് അസോസിയേഷന്റെ വാര്‍ഷികവും ക്രിസ്മസ് പുതുവത്സരാഘോഷവും
Posted on: 22 Dec 2014
മാഞ്ചസ്റ്റര്‍: കേരളാ കാത്തലിക് അസോസിയേഷന്‍ ഓഫ് മാഞ്ചസ്റ്ററിന്റെ ആറാം വാര്‍ഷികവും ക്രിസ്മസ് പുതുവത്സരാഘോഷവും ബ്രയാന്‍ അനുസ്മരണവും ഡിസംബര്‍ 27 ന് നടക്കും. മാഞ്ചസ്റ്റര്‍ ബാഗുളിയിലെ സെന്റ് മാര്‍ട്ടിന്‍സ് ഓഡിറ്റോറിയത്തില്‍ ഉച്ചകഴിഞ്ഞ് 2 മണി മുതലാണ് പരിപാടികള്‍. ഫാ.തോമസ് മടുക്കമൂട്ടില്‍, ഫാ.റോബിന്‍സണ്‍ മെല്‍ക്കീസ്, എന്നിവരുടെ കാര്‍മ്മികത്വത്തില്‍ നടക്കുന്ന ദിവ്യബലിയോടെ ആഘോഷപരിപാടികള്‍ക്ക് തുടക്കമാകും. ഇതേതുടര്‍ന്ന് അടുത്തിടെ അന്തരിച്ച അസോസിയേഷന്‍ കുടുംബാംഗം ബ്രയാന്‍ സേവ്യറിന്റെ 41-ാം ചരമദിനഅനുസ്മരണവും നടക്കും. ഇതേത്തുടര്‍ന്ന് ചേരുന്ന പൊതുസമ്മേളനത്തില്‍ അസോസിയേഷന്‍ പ്രസി.ബിജു ആന്റണി അധ്യക്ഷത വഹിക്കും. ഫാ.തോമസ് മടുക്കമൂട്ടില്‍, ഫാ.റോബിന്‍സണ്‍ മെല്‍ക്കിസ് എന്നിവര്‍ ചേര്‍ന്ന് ആഘോഷപരിപാടികള്‍ ഉദ്ഘാടനം ചെയ്യും.
കലാപരിപാടികളെത്തുടര്‍ന്ന് അസോസിയേഷന്‍ സ്‌പോര്‍ട്‌സ്‌ഡേയിലും ക്രിസ്മസ് മത്സരങ്ങളിലും വിജയികളായവര്‍ക്കുള്ള സമ്മാനദാനവും നടക്കും. തുടര്‍ന്ന് ക്രിസ്മസ് ഡിന്നറോടെ പരിപാടികള്‍ സമാപിക്കും. അസോസിയേഷന്‍ കുടുംബയൂണിറ്റുകള്‍ കേന്ദ്രീകരിച്ച് ക്രിസ്മസ് കരോളും നടന്നിരുന്നു. ഏവരെയും അസോസിയേഷന്‍ എക്‌സിക്യൂട്ടീവ് കമ്മിറ്റിക്കുവേണ്ടി സെക്രട്ടറി നോയല്‍ ജേക്കബ് സ്വാഗതം ചെയ്തു.
വാര്‍ത്ത അയച്ചത് : സാബു ചുണ്ടക്കാട്ടില്‍
from kerala news edited
via IFTTT
