Story Dated: Tuesday, December 23, 2014 07:57
ഓയൂര്‍: ഓടനാവട്ടം ചുങ്കത്തറയില്‍ റബര്‍ ഷീറ്റ്‌ മോഷ്‌ടാവിനെ പിടികൂടി. നെല്ലിക്കുന്നം തുടന്തല രതീഷ്‌ ഭവനില്‍ രാജീവാ(26)ണ്‌ പിടിയിലായത്‌. മുട്ടറ പുതുവ പടിഞ്ഞാറ്റിന്‍കര പുത്തന്‍വീട്ടില്‍ സുരേന്ദ്രന്‍പിള്ളയുടെ കളീലില്‍ ഉണങ്ങാനിട്ടിരുന്ന 56 ഷീറ്റുകളാണ്‌ കഴിഞ്ഞദിവസം മോഷണം പോയത്‌. രാവിലെ ഏഴിനോടെ റബര്‍ ഷീറ്റുകള്‍ ചാക്കില്‍കെട്ടി തലച്ചുമടായി ചുങ്കത്തറയിലുള്ള കടയില്‍ എത്തിക്കുകയായിരുന്നു.
രാവിലെതന്നെ ഷീറ്റുമായി എത്തിയത്‌ നാട്ടുകാരില്‍ സംശയം ഉളവാക്കുകയും വിവരം കൊട്ടാരക്കര പോലീസില്‍ അറിയിക്കുകയും ചെയ്‌തു. പോലീസെത്തി ഇയാളെ കസ്‌റ്റഡിയില്‍ എടുക്കുകയായിരുന്നു. ഈ ദിവസം തന്നെ റബര്‍ മോഷണം പോയ വിവരം സുരേന്ദ്രന്‍പിള്ള പൂയപ്പള്ളി പോലീസ്‌ സ്‌റ്റേഷനില്‍ അറിയിച്ചിരുന്നു.
കൊട്ടാരക്കരയില്‍ മോഷ്‌ടാവ്‌ പിടിയിലായ വിവരം അറിഞ്ഞ്‌ പൂയപ്പള്ളി പോലീസും സുരേന്ദ്രന്‍ പിള്ളയും കൊട്ടാരക്കര സ്‌റ്റേഷനിലെത്തുകയും പ്രതിയെ തിരിച്ചറിയുകയും പൂയപ്പള്ളി പോലീസിനു പ്രതിയെ കൈമാറുകയും ചെയ്‌തു. പ്രതിയെ കൊട്ടാരക്കര കോടതിയില്‍ ഹാജരാക്കി റീമാന്‍ഡ്‌ ചെയ്‌തു.
from kerala news edited
via IFTTT
