Story Dated: Sunday, February 8, 2015 04:24
ടോക്യോ: സുരക്ഷാ മാനദണ്ഡങ്ങള്‍ മുന്‍ നിര്‍ത്തി സിറിയ സന്ദര്‍ശിക്കുന്നതിന്‌ മാധ്യമ പ്രവര്‍ത്തകന്‌ ജപ്പാന്റെ വിലക്ക്‌. ബന്ധികളാക്കിയ രണ്ട്‌ ജപ്പാന്‍ സ്വദേശികളെ ഐ.എസ്‌. തീവ്രവാദികള്‍ കൊലപ്പെടുത്തിയ സാഹചര്യത്തിലാണ്‌ സിറിയ സന്ദര്‍ശിക്കുന്നതില്‍ നിന്ന്‌ മാധ്യമ പ്രവര്‍ത്തകര്‍ക്ക്‌ സര്‍ക്കാര്‍ വിലക്ക്‌ ഏര്‍പ്പെടുത്തിയത്‌.
സിറിയയിലെ അഭയാര്‍ത്ഥി ക്യാമ്പ്‌ സന്ദര്‍ശിക്കാനായി യാത്രതിരിച്ച യ്യൂച്ചി സുഗമോട്ടോ(58)യുടെ പാസ്‌പോര്‍ട്ടാണ്‌ ജപ്പാന്റെ വിദേശകാര്യ മന്ത്രാലയം പിടിച്ചെടുത്തത്‌. എന്നാല്‍ ഐ.എസ്‌. സ്വാധീന മേഖലകളില്‍ പ്രവേശിക്കാന്‍ തനിക്ക്‌ ഉദ്ദേശമില്ലെന്നും ഇത്‌ മാധ്യമ സ്വാതന്ത്രത്തിന്‌ എതിരെയുള്ള കടന്നുകയറ്റമാണെന്നും മന്ത്രാലയത്തിന്റെ നടപടിക്ക്‌ എതിരെ ഫ്രീലാന്‍സ്‌ ഫോട്ടോഗ്രാഫറായ യ്യൂചി പ്രതികരിച്ചു.
ആഴ്‌ചകള്‍ക്ക്‌ മുമ്പാണ്‌ ജപ്പാന്‍ സ്വദേശികളായ രണ്ടു പേരെ ഐ.എസ്‌. തീവ്രവാദികള്‍ കൊലപ്പെടുത്തിയത്‌. ഇതില്‍ ഒരാള്‍ മാധ്യമ പ്രവര്‍ത്തകനായിരുന്നു. ഈ സാഹചര്യങ്ങള്‍ മുന്‍ നിര്‍ത്തിയാണ്‌ മാധ്യമ പ്രവര്‍ത്തകര്‍ക്ക്‌ സര്‍ക്കാരിന്റെ പുതിയ വിലക്ക്‌.
from kerala news edited
via IFTTT
