Story Dated: Sunday, February 8, 2015 03:41
കോട്ടയം: ഓര്‍ത്തഡോക്‌സ്-യാക്കോബായ സഭാ തര്‍ക്കം പരിഹരിക്കുന്നതിനായി പരിശുദ്ധ ഇഗ്നാത്തിയോസ്‌ അപ്രേം ദ്വിതീയന്‍ പാത്രിയാര്‍ക്കിസ്‌ ബാവ നടത്തുന്ന ശ്രമങ്ങള്‍ സ്വാഗതം ചെയ്യുന്നുവെന്ന്‌ ഓര്‍ത്തഡോക്‌സ് സഭ. ഇക്കാര്യത്തില്‍ സഭാ സമിതികളുമായി ആലോചിച്ച്‌ വിശദാംശങ്ങള്‍ അറിയിക്കുമെന്ന്‌ ഓര്‍ത്തഡോക്‌സ് സഭയുടെ പരമാധ്യക്ഷന്‍ പരിശുദ്ധ ബസേലിയസ്‌ പൗലോസ്‌ ദ്വിതീയന്‍ കാതോലിക്കാ ബാവ അറിയിച്ചു.
സഭാ തര്‍ക്കം ദുരന്തമാണെന്ന്‌ പാത്രിയാര്‍ക്കീസ്‌ ബാവ ഇന്നലെ പ്രതികരിച്ചിരുന്നു. ഒന്‍പത്‌ ദിവസത്തെ കേരള സന്ദര്‍ശനത്തിന്‌ എത്തിയ അദ്ദേഹം കൊച്ചിയില്‍ വാര്‍ത്താ സമ്മേളനത്തില്‍ സംസാരിക്കുകയായിരുന്നു. സഭാ തര്‍ക്കം പരിഹരിക്കുന്നതിന്‌ മുന്‍കൈ എടുക്കാന്‍ താന്‍ തയ്യാറാണ്‌. കേസുകള്‍ കൊണ്ട്‌ പ്രശ്‌നം പരിഹരിക്കപ്പെടില്ല. ഇരു സഭകളിലും ഒരേ രക്‌തമാണ്‌. ഭൂരിപക്ഷം വിശ്വാസികളും സമാധാനമാണ്‌ ആഗ്രഹിക്കുന്നതെന്നും അദ്ദേഹം പറഞ്ഞിരുന്നു.
from kerala news edited
via IFTTT
