ഒളിംപ്യന്‍ റഹ്മാന്‍ സ്മാരക സെവന്‍സ് ഫുട്‌ബോള്‍ സമാപിച്ചു
Posted on: 08 Feb 2015
ദോഹ: കോഴിക്കോട് പ്രവാസി അസോസിയേഷന്‍ ഖത്തര്‍ ദേശീയ കായിക ദിനത്തിന്റെ ഭാഗമായി സംഘടിപ്പിച്ച ഒളിംപ്യന്‍ റഹ്മാന്‍ സ്മാരക സെവന്‍സ് ഫുട്ബാള്‍ ടൂര്‍ണമെന്റ് ബിന്‍ ഉംറാന്‍ യര്‍മൂക്ക് ഇന്‍ഡിപെന്റന്റ് സ്‌കൂള്‍ ഗ്രൗണ്ടില്‍ ഐ സി സി പ്രസിഡന്റ് ഗിരീഷ് ഉദ്ഘാടനം ചെയ്തു. കോഴിക്കോട് പ്രവാസി അസോസിയേഷന്‍ നടത്തുന്ന ജീവകാരുണ്യ പ്രവര്‍ത്തനങ്ങളും കലാ കായിക സാംസ്‌ക്കാരിക പ്രവര്‍ത്തനങ്ങളും ശ്ലാഘനീയമാണെന്ന് അദ്ദേഹം പറഞ്ഞു.
യുണൈറ്റഡ് കേരള, െ്രെഫഡേ സോസര്‍, എഫ് സി കൊച്ചി, ടോക്കിയോ െ്രെഫറ്റ്, റൂസിയാ ഗ്രൂപ്പ്, അലി ഇന്റര്‍നാഷണല്‍, അല്‍ ഫിദ ഗ്രൂപ്പ്, ഡി ടി ഡി സി തുടങ്ങിയ ടീമുകളാണ് പ്രാഥമിക മത്സരങ്ങളില്‍ വിജയിച്ചത്.
ക്വാര്‍ട്ടര്‍, സെമി, ഫൈനല്‍ മത്സരങ്ങള്‍ 20ാം തിയ്യതി യര്‍മൂക്ക് ഗ്രൗണ്ടില്‍ തന്നെ നടക്കുമെന്ന് ഭാരവാഹികള്‍ അറിയിച്ചു.
പ്രസിഡന്റ് സി കെ സുബൈര്‍ മാസ്റ്റര്‍, സെക്രട്ടറി പി കെ ഗഫൂര്‍, കെയര്‍ എന്‍ ക്യൂര്‍ മാനേജിംഗ് ഡയറക്ടര്‍ അബ്ദുറഹ്മാന്‍, യൂണിലിവര്‍ മാര്‍ക്കറ്റിംഗ് മാനേജര്‍ ബസന്ത്, അലി ഇന്റര്‍നാഷണല്‍ ജനറല്‍ മാനേജര്‍ കെ മുഹമ്മദ് ഈസ, സ്‌പോര്‍ട്‌സ് കമ്മിറ്റി കണ്‍വീനര്‍ ടി എ സലീം എന്നിവര്‍ പ്രസംഗിച്ചു.
അഹമ്മദ് പാതിരിപ്പറ്റ
from kerala news edited
via IFTTT
