വായനയിലൂടെ വളരുക -ടി.കെ ഉബൈദ്
Posted on: 09 Feb 2015
ദോഹ: മനുഷ്യന്റെ ഏറ്റവും വലിയ അനുഗ്രഹമാണ് വായനാശേഷി എന്നും വായിച്ചു വളരുന്നവര്‍ക്കേ പുതിയ കാലത്തിന്റെ വെല്ലുവിളികളെ സര്‍ഗാത്മകമായി അഭിമുഖീകരിക്കാന്‍ സാധ്യമാവൂ എന്നും പ്രബോധനം പത്രാധിപര്‍ ടി.കെ ഉബൈദ് പ്രസ്താവിച്ചു. ദോഹ അല്‍ മദ്രസ അല്‍ ഇസ്‌ലാമിയ്യ സീനിയര്‍ വിദ്യാര്‍ഥികള്‍ക്കായി സംഘടിപ്പിച്ച സഹവാസം പരിപാടിയില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.
നല്ല പുസ്തകങ്ങളാണ് വിദ്യാര്‍ഥികളുടെ ഏറ്റവും നല്ല കൂട്ടുകാര്‍. നിത്യജീവിതവുമായി ബന്ധപ്പെടുത്തിയുള്ള വായന ഏറ്റവും ഉത്കൃഷ്ടമായ വൈകാരികാനുഭവമാണ്. പ്രകൃതിയുമായുള്ള നമ്മുടെ ബന്ധം ശക്തമാക്കാനും സര്‍ഗശേഷികളെ പരിപോഷിപ്പിക്കാനും വായന സഹായകമാവുമെന്നും അദ്ദേഹം കൂട്ടിച്ചേര്‍ത്തു. ശാന്തപുരം അല്‍ ജാമിഅ അല്‍ ഇസ്‌ലാമിയ്യ അസി: ഡയറക്ടര്‍ ഇല്‍യാസ് മൗലവി പ്രഭാഷണം നടത്തി. അബ്ദുല്‍ ഹാദി അയ്യൂബിന്റെ ഖുര്‍ആന്‍ പാരായണത്തോടെ ആരംഭിച്ച പരിപാടിയില്‍ പ്രധാനാധ്യാപകന്‍ അബ്ദുല്‍ വാഹിദ് നദ്‌വി അധ്യക്ഷത വഹിച്ചു. ഉപപ്രധാനാധ്യാപകന്‍ എം.എസ്. അബ്ദുല്‍ റസാഖ്് സമാപനം നിര്‍വഹിച്ചു.
അഹമ്മദ് പാതിരിപ്പറ്റ
from kerala news edited
via IFTTT
