Story Dated: Sunday, February 8, 2015 02:56
കോഴിക്കോട്‌: ശുചീകരണത്തിനിടെ കുടുംബശ്രീ പ്രവര്‍ത്തകര്‍ കഞ്ചാവ്‌ കണ്ടെത്തി. പുതിയപാലത്തിനടുത്ത്‌ മാലിന്യം നീക്കം ചെയ്യുന്നതിനിടെ ഇന്നലെ രാവിലെയാണ്‌ കുടുംബശ്രീ പ്രവര്‍ത്തകര്‍ കഞ്ചാവ്‌ പൊതു കണ്ടെത്തിയത്‌. തുടര്‍ന്നു മെഡിക്കല്‍കോളജ്‌ പോലീസിനെ വിവരമറിയിക്കുകയും കഞ്ചാവ്‌ കൈമാറുകയുമായിരുന്നു. 80 ഗ്രാം കഞ്ചാവാണ്‌ പൊതിക്കുള്ളിലുണ്ടായിരുന്നതെന്ന്‌ മെഡിക്കല്‍കോളജ്‌ പോലീസ്‌ അറിയിച്ചു. പുതിയപാലം കേന്ദ്രീകരിച്ചു നിരവധി കഞ്ചാവ്‌ കേസുകള്‍ രജിസ്‌ട്രര്‍ ചെയ്‌തതായി മെഡിക്കല്‍കോളജ്‌ എസ്‌.ഐ. എം.ടി. ജേക്കബ്‌ പറഞ്ഞു. കഞ്ചാവ്‌ കേസില്‍ പോലീസ്‌ പിടികൂടിയ പ്രതി കഴിഞ്ഞ ദിവസം ജാമ്യത്തിലിറങ്ങിയിരുന്നു. ഇയാളെ കേന്ദ്രീകരിച്ചാണിപ്പോള്‍ അന്വേഷണം നടക്കുന്നത്‌.
from kerala news edited
via IFTTT
