മദീന ഖലീഫ ഇസ്ലാഹി മദ്രസക്ക് തുടക്കമായി
Posted on: 09 Feb 2015
ദോഹ: കൗണ്‍സില്‍ ഫോര്‍ ഇസ്ലാമിക് എഡ്യുകേഷണല്‍ ആന്റ് റിസര്‍ച്ച് (സി.ഐ.ഇ.ആര്‍) പഠന കരിക്കുലം ആധാരമാക്കി ഖത്തര്‍ ഇന്ത്യന്‍ ഇസ്ലാഹി സെന്റര്‍ നടത്തിവരുന്ന ഇസ്ലാഹീ മദ്രസയുടെ മദീന ഖലീഫ ശാഖക്ക് സമാരംഭമായി. ഹിലാലിലെ നോബിള്‍ സ്‌കൂള്‍, അല്‍ ഖോര്‍, ദുഖാന്‍ എന്നീ സ്ഥലങ്ങളിലെ മദ്രസ്സയടക്കം ഇത് നാലാമത്തെ മദ്രസ്സയാണ് ഇസ്ലാഹി സെന്റര്‍ ആരംഭിച്ചിരിക്കുന്നത്. ലഖ്തയിലെ സൂഖ് അലിക്ക് പുറകിലുള്ള ഇസ്ലാഹീ സെന്റര്‍ ആസ്ഥാനത്താണ് മദീന ഖലീഫ ഇസ്ലാഹീ മദ്രസ ആരംഭിച്ചിട്ടുള്ളത്. ഒന്നാം ക്ലാസിലേക്കുള്ള അഡ്മിഷന്‍ മാത്രമാണ് ഇപ്പോള്‍ സ്വീകരിക്കുന്നത്. അടുത്ത അധ്യയന വര്‍ഷം മുതല്‍ മറ്റു ക്ലാസുകളടക്കം വിപുലമായ രീതിയില്‍ തുടങ്ങുമെന്ന് മാനേജ്‌മെന്റ് അറിയിച്ചു. അഞ്ച് വയസ്സുള്ള കുട്ടികള്‍ക്കാണ് പ്രവേശനം. പരിമിതമായ സീറ്റുകള്‍ മാത്രമാണ് ബാക്കിയുള്ളത്.
കൂടുതല്‍ വിവരങ്ങള്‍ക്ക് : 66512424
അഹമ്മദ് പാതിരിപ്പറ്റ
from kerala news edited
via IFTTT
