Story Dated: Tuesday, January 13, 2015 06:45
നെടുമങ്ങാട്‌: താലൂക്കിലെ കര്‍ഷകര്‍ പ്രതിസന്ധിയില്‍. കര്‍ഷകരില്‍ നിന്നും കാര്‍ഷികോല്‍പ്പന്നങ്ങള്‍ വാങ്ങുന്ന കൃഷി വകുപ്പിന്റെ നിയന്ത്രണത്തിലുള്ള നെടുമങ്ങാട്‌ അന്താരാഷ്‌ട്ര മാര്‍ക്കറ്റ്‌ അധികൃതര്‍ കര്‍ഷകര്‍ക്ക്‌ നല്‍കാനുള്ള 65 ലക്ഷം രൂപ മാസങ്ങളായി കുടിശികയാക്കിയിരിക്കുകയാണ്‌. അന്താരാഷ്‌ട്ര മാര്‍ക്കറ്റ്‌ അധികൃതര്‍ വളരെ വിലകുറച്ചാണ്‌ കര്‍ഷകരില്‍ നിന്നും കാര്‍ഷികോല്‍പ്പന്നങ്ങള്‍ വാങ്ങുന്നത്‌. ഈ ഉല്‍പ്പന്നങ്ങള്‍ വളരെ ഉയര്‍ന്ന വിലക്കാണ്‌ ഹോര്‍ട്ടികോര്‍പ്പിനും സ്വകാര്യ വ്യക്‌തികള്‍ക്കും നല്‍കുന്നത്‌.
കര്‍ഷകര്‍ക്ക്‌ നേരിട്ട്‌ ഉല്‍പ്പന്നങ്ങളെത്തിച്ച്‌ ന്യായമായ വിലക്ക്‌ ഇവിടെ നേരിട്ട്‌ വില്‍ക്കാന്‍ മാര്‍ക്കറ്റ്‌ അധികൃതര്‍ അനുവദിക്കാറില്ല. ഏജന്റുമാരും ഇടനിലക്കാരും ചില മൊത്ത വ്യാപാരികളുടെ ബിനാമികളും ചേര്‍ന്ന്‌ മാര്‍ക്കറ്റിലെ ചില ഉദ്യോഗസ്‌ഥരുടെ സഹായത്തോടെ ഏറ്റവും കുഞ്ഞവില നിശ്‌ചയിക്കും. ഈ വിലയ്‌ക്ക് തന്നെ ഉല്‍പ്പന്നങ്ങള്‍ വിറ്റഴിക്കണം.
ഈ വില പോലും യഥാസമയം നല്‍കാതെയാണ്‌ കര്‍ഷകരെ ദുരിതത്തിലാക്കിയിരിക്കുന്നത്‌. നിരവധി പ്രാവശ്യം കയറിയിറങ്ങി മാര്‍ക്കറ്റ്‌ അധികൃതരോട്‌ ആവശ്യപ്പെട്ടിട്ടും ഹോര്‍ട്ടി കോര്‍പ്പിനെ കുറ്റം പറഞ്ഞ്‌ വില നല്‍കാതെ കര്‍ഷകരോട്‌ കടുത്ത അനാസ്‌ഥയാണ്‌ മാര്‍ക്കറ്റ്‌ അധികൃതര്‍ കാണിക്കുന്നത്‌. കൃഷികൊണ്ട്‌ ഉപജീവനം നടത്തുന്നവര്‍ ആത്മഹത്യയുടെ വക്കിലാണ്‌.
from kerala news edited
via IFTTT
