Story Dated: Monday, January 12, 2015 12:30
തൃശൂര്‍: ആലപ്പുഴ മുഹമ്മയിലെ പി.കൃഷ്ണപിള്ള സ്മാരകം തകര്‍ത്ത കേസില്‍ നാലു പ്രതികള്‍ കീഴടങ്ങി. മുന്‍ സി.പി.എം ലോക്കല്‍ സെക്രട്ടറി പി.സാബു, പ്രമോദ്, ദീപു, രാജേഷ് എന്നിവരാണ് തൃശൂര്‍ ക്രൈംബ്രാഞ്ച് ഓഫീസിലെത്തി എസ്.പി ആര്‍.കെ ജയരാജിനു മുമ്പാകെ കീഴടങ്ങിയത്. രണ്ടു മുതല്‍ അഞ്ചുവരെയുള്ള പ്രതികളാണിവര്‍. ഒന്നാം പ്രതി ലതീഷ് നേരത്തെ കീഴടങ്ങിയിരുന്നു.
നാലു പ്രതികളുടെ അറസ്റ്റ് ഹൈക്കോടതി നേരത്തെ തടഞ്ഞിരുന്നു. പിന്നീട് ഇവരുടെ മുന്‍കൂര്‍ ജാമ്യാപേക്ഷ കോടതി നിഷേധിച്ചതോടെയാണ് അന്വേഷണ സംഘത്തിനു മുമ്പാകെ ഇവര്‍ കീഴടങ്ങിയത്.
അതേസമയം, കേസില്‍ സി.ബി.ഐ അന്വേഷണം വേണമെന്നും വിഭാഗീയതയുടെ പേരില്‍ തങ്ങളെ കുടുക്കുകയായിരുന്നുവെന്നും രണ്ടാം പ്രതി സാബു പറഞ്ഞു. സി.ബി.ഐ അന്വേഷണം ആവശ്യപ്പെട്ട് ഹൈക്കോടതിയെ സമീപിക്കുമെന്നും സാബു വ്യക്തമാക്കി.
from kerala news edited
via IFTTT
