Story Dated: Tuesday, January 13, 2015 06:46
പത്തനംതിട്ട: റവന്യു മന്ത്രി അടൂര്‍ പ്രകാശിന്റെ അധ്യക്ഷതയില്‍ 19 ന്‌ നടക്കുന്ന റവന്യൂ അദാലത്തുമായി ബന്ധപ്പെട്ട്‌ ഇതിനകം ലഭിച്ച 13,539 പരാതികളില്‍ 9480 എണ്ണത്തില്‍ നടപടികള്‍ പൂര്‍ത്തിയായതായി കലക്‌ടര്‍ എസ്‌.ഹരികിഷോര്‍ അറിയിച്ചു. ശേഷിക്കുന്ന 4000 ത്തോളം പരാതികളില്‍ ഒരാഴ്‌ചയ്‌ക്കുള്ളില്‍ നടപടികള്‍ പൂര്‍ത്തിയാക്കുമെന്നും അദ്ദേഹം പറഞ്ഞു. അദാലത്തിനായി ലഭിച്ച 70 ശതമാനവും പരാതികളിലും ഇതിനകം നടപടികള്‍ പൂര്‍ത്തിയാക്കാന്‍ കഴിഞ്ഞത്‌ ജീവനക്കാരുടെ സഹകരണം മൂലമാണെന്നും അവധി ദിവസങ്ങളിലും ജോലി ചെയ്യാന്‍ തയാറായ ജീവനക്കാര്‍അഭിനന്ദനം അര്‍ഹിക്കുന്നുവെന്നും അദ്ദേഹം പറഞ്ഞു.
സര്‍വെ സംബന്ധമായ പരാതികള്‍ പരിഹരിക്കുന്നതിന്‌ 18 താലൂക്ക്‌ സര്‍വെയര്‍മാര്‍ക്ക്‌ പുറമേ 40 ഓളം സര്‍വേയര്‍മാരെ പ്രത്യേകമായി നിയോഗിച്ചിരുന്നു. 19 ന്‌ പത്തനംതിട്ട സെന്റ്‌ സ്‌റ്റീഫന്‍സ്‌ ഓഡിറ്റോറിയത്തില്‍ നടക്കുന്ന ജില്ലാതല റവന്യു അദാലത്തില്‍ ബന്ധപ്പെട്ടവര്‍ക്ക്‌ ആനുകൂല്യങ്ങള്‍ വിതരണം ചെയ്യും.
from kerala news edited
via IFTTT
