തിരുവങ്ങൂര്‍ കാലിത്തീറ്റ നിര്‍മാണകേന്ദ്രം പ്രവൃത്തി അന്തിമഘട്ടത്തില്‍

Story Dated: Monday, January 12, 2015 12:06

കൊയിലാണ്ടി: തിരുവങ്ങൂരില്‍ ആരംഭിക്കുന്ന ഹൈടെക്‌ കാലിത്തീറ്റ നിര്‍മാണ പ്രവൃത്തി അന്തിമഘട്ടത്തിലേക്ക്‌. സംസ്‌ഥാന നാളികേര വികസന കോര്‍പ്പറേഷന്‍ ഉടമസ്‌ഥതയിലുള്ള തിരുവങ്ങൂര്‍ കോക്കനട്ട്‌ കോംപ്ലക്‌സാണ്‌ കാലിത്തീറ്റ നിര്‍മാണ കേന്ദ്രമായി മാറുന്നത്‌.

യു.ഡി.എഫ്‌ ധികാരത്തില്‍ വന്നതോടെ കോര്‍പ്പറേഷന്‍ കീഴില്‍ നിന്നും സ്‌ഥാപനം കേരള ഫീഡ്‌സിന്‌ കൈമാറുകയായിരുന്നു.

2011 സെപ്‌തംബര്‍ 17ന്‌ മുഖ്യമന്ത്രി ഉമ്മന്‍ചാണ്ടിയാണ്‌ കാലിത്തീറ്റ നിര്‍മാണ കേന്ദ്രത്തിന്‌ ശിലാസ്‌ഥാപനം നടത്തിയത്‌.

2012ല്‍ നിര്‍മാണ പ്രവൃത്തി ആരംഭിക്കുകയും ചെയ്‌തു. പ്രതിദിനം 300 ടണ്‍ കാലിത്തീറ്റ ഉല്‍പാദനസേഷിയുള്ള അത്യാധുനിക കമ്പ്യൂട്ടര്‍ നിയന്ത്രിത ഫാക്‌ടറിയാണിത്‌.

25824 സ്‌ക്വയര്‍ അടി വിസ്‌തൃതിയുള്ള ഗോഡൗണിന്റെ നിര്‍മ്മാണം പൂര്‍ത്തിയായിക്കഴിഞ്ഞു. 35 മീറ്റര്‍ ഉയരമുള്ള ഫീഡ്‌മീല്‍ ടവറും സജമാക്കിയിട്ടുണ്ട്‌.

ഇറ്റലി, നെതര്‍ലാന്റ്‌ എന്നിവിടങ്ങളില്‍ നിന്നായി ഇറക്കുമതി ചെയ്‌ത പെല്ലറ്റ്‌ മീല്‍, പെല്ലറ്റ്‌ കൂളര്‍, എന്നിവ ഫാക്‌ടറിയുടെ പ്രവര്‍ത്തനങ്ങള്‍ കൂടുതല്‍ സുഗമമാക്കും.

ജനറേറ്ററുകള്‍ 24 മണിക്കൂര്‍ പ്രവര്‍ത്തനസജമാക്കും.വെസ്‌റ്റ്ഹില്‍ ഫീഡറില്‍ നിന്നാണ്‌ വൈദ്യുതി ഫാക്‌ടറിയിലെത്തുന്നത്‌.

ഇരുന്നൂറിലികം തൊഴിലാളികളും നിരവധി ഉദ്യോഗസ്‌ഥരും പ്രതിദിനം ഫാക്‌ടറിയിലെത്തും. ഫാക്‌ടറി അനുബന്ധ നിര്‍മ്മാണ പ്രവൃത്തികള്‍ തുടര്‍ന്നുവരുന്നു.

from kerala news edited

via IFTTT