Story Dated: Tuesday, January 13, 2015 07:10
കല്‍പ്പറ്റ: രാത്രിയില്‍ മദ്യപിച്ചെത്തിയ സംഘം കല്‍പ്പറ്റയില്‍ പ്രവര്‍ത്തിക്കുന്ന വയനാട്‌ എംപയര്‍ ഹോട്ടലില്‍ കയറി ബഹളമുണ്ടാക്കുകയും ഹോട്ടലിലുണ്ടായിരുന്ന ജീവനക്കാരെയും കടയുടമയെയും മര്‍ദ്ദിക്കുകയും ചെയ്‌തതായി പരാതി. സംഭവത്തില്‍ ഹോട്ടല്‍ ആന്‍ഡ്‌ റസ്‌റ്റോറന്റ്‌ അസോസിയേഷന്‍ ജില്ലാ കമ്മിറ്റി പ്രതിഷേധിച്ചു. അക്രമികളെ ഉടന്‍ അറസ്‌റ്റുചെയ്യണമെന്നും ഹോട്ടലിനുണ്ടായ നാശനഷ്‌ടങ്ങള്‍ക്ക്‌ മതിയായ നഷ്‌ടപരിഹാരം നല്‍കണമെന്നും അസോസിയേഷന്‍ ജില്ലാ പ്രസിഡന്റ്‌ പി. അബ്‌ദു റഹ്‌മാന്‍, സെക്രട്ടറി സാജന്‍ പൊരുന്നിക്കല്‍ എന്നിവര്‍ ആവശ്യപ്പെട്ടു. 11ന്‌ രാത്രി ഒമ്പതുമണിയോടെയാണ്‌ ഹോട്ടലില്‍ കശപിശയുണ്ടായത്‌. ഇതിനിടെ ഹോട്ടല്‍ജീവനക്കാര്‍ മര്‍ദ്ദിച്ചുവെന്ന്‌ ആരോപിച്ച്‌ കുറച്ച്‌ ആളുകള്‍ ആശുപത്രിയില്‍ അഡ്‌മിറ്റായിട്ടുണ്ട്‌. അക്രമികള്‍ക്കെതിരേ ഹോട്ടലുടമ കല്‍പ്പറ്റ പോലീസില്‍ പരാതി നല്‍കി.
from kerala news edited
via IFTTT
