Story Dated: Monday, January 12, 2015 12:47
ന്യുഡല്‍ഹി: ഡല്‍ഹി നിയമസഭാ തെരഞ്ഞെടുപ്പ് തീയതി തെരഞ്ഞെടുപ്പ് കമ്മിഷന്‍ ഇന്ന് വൈകിട്ട് 4.30 ഓടെ പ്രഖ്യാപിക്കും. ഒരുഘട്ടമായി ഫെബ്രുവരി പകുതിയോടെ തെരഞ്ഞെടുപ്പ് നടക്കുമെന്നാണ് സൂചന. കഴിഞ്ഞ നവംബറിലാണ് ഡല്‍ഹി നിയമസഭ പിരിച്ചുവിട്ടത്.
2013 ഡിസംബറില്‍ നടന്ന തെരഞ്ഞെടുപ്പില്‍ ഒരു കക്ഷിക്കും വ്യക്തമായ ഭുരിപക്ഷം ലഭിച്ചിരുന്നില്ല. എന്നാല്‍ മുഖ്യമന്ത്രിയായി ചുമതലയേറ്റ ആം ആദ്മി പാര്‍ട്ടി നേതാവ് അരവിന്ദ് കെജ്‌രിവാളിന് ജന്‍ലോക്പാല്‍ ബില്‍ പാസാക്കാന്‍ കഴിയാതെ വന്നതോടെ 49 ദിവസം നീണ്ട ഭരണത്തിന് അവസാനം കുറിക്കേണ്ടിവന്നു. തുടര്‍ന്ന് ഡല്‍ഹിയില്‍ രാഷ്ട്രപതി ഭരണം ഏര്‍പ്പെടുത്തുകയായിരുന്നു.
അതേസമയം, ഡല്‍ഹിയില്‍ കോണ്‍ഗ്രസിന്റെ പ്രചരണ ചുമതല അജയ് മാക്കന് നല്‍കാന്‍ പാര്‍ട്ടി തീരുമാനിച്ചു.
from kerala news edited
via IFTTT
