Story Dated: Tuesday, January 13, 2015 06:45
പാലോട്‌: പതിനായിരം രൂപയുടെ വൈദ്യുതി ബില്‍ ലഭിച്ചതിന്റെ ഞെട്ടലിലാണ്‌ ഞാറനീലി അസീംമന്‍സിലില്‍ ഹംസക്കുഞ്ഞിന്റെ കുടുംബം. പെരിങ്ങമ്മല കെ.എസ്‌.ഇ.ബി. സെക്ഷന്‍ അധികൃതരാണ്‌ കുടുംബത്തിന്‌ 10044 രൂപയുടെ ബില്ല്‌ നല്‍കിയത്‌. 17ന്‌ മുമ്പ്‌ തുക അടയ്‌ക്കണമെന്നാണ്‌ നിര്‍ദ്ദേശം. വീടുകളില്‍ സാധാരണയായി ഉപയോഗിക്കുന്ന ഇലക്‌ട്രിക്‌ ഉപകരണങ്ങളില്‍ കവിഞ്ഞൊന്നും ഹംസക്കുഞ്ഞിന്റെ പണി പൂര്‍ത്തിയാകാത്ത വീട്ടിലില്ല. അഞ്ഞൂറ്‌ രൂപയില്‍ കൂടിയ വൈദ്യുതി ബില്ലൊന്നും ഇവര്‍ക്ക്‌ ഇതുവരെയും ലഭിച്ചിട്ടുമില്ല.
16260 യൂണിറ്റ്‌ വൈദ്യുതി ഉപയോഗിച്ചതായാണ്‌ ബില്ലില്‍ രേഖപ്പെടുത്തിയിട്ടുള്ളത്‌. രണ്ടുവര്‍ഷം മുമ്പ്‌ പണിത വീട്ടില്‍ വൈദ്യുതി ലീക്കില്ലെന്ന്‌ ഇലക്‌ട്രീഷ്യനെ വിളിച്ചുവരുത്തി പരിശോധിച്ച്‌ ഉറപ്പുവരുത്തിയെന്ന്‌ വീട്ടുകാര്‍ പറയുന്നു. അതേ സമയം ഭീമമായ ബില്ല്‌ ലഭിച്ചത്‌ സംബന്ധിച്ച്‌ വീട്ടുകാരുടെ പരാതി ലഭിച്ചിട്ടുണ്ടെന്ന്‌ സെക്ഷന്‍ അധികൃതര്‍പറഞ്ഞു. മീറ്ററിന്റെ തകരാറാണോയെന്ന്‌ പരിശോധിച്ച്‌ കണ്ടെത്തുമെന്നും ഇവര്‍ അറിയിച്ചു.
from kerala news edited
via IFTTT
