Story Dated: Tuesday, January 13, 2015 07:09
പരപ്പനങ്ങാടി: മഞ്ചേരി-പരപ്പനങ്ങാടി റൂട്ടില്‍ സര്‍വീസ്‌ നടത്തുന്ന സ്വകാര്യ ബസില്‍ മദ്യം കടത്തിയതിന്‌ ബസ്‌ ക്ലീനര്‍ പിടിയിലായി. ബാറ്ററിപ്പെട്ടിയിലും ടൂള്‌സ്‌ ബോക്‌സിലുമായാണ്‌ മദ്യക്കുപ്പികള്‍ ഒളിപ്പിച്ചു വെച്ചിരുന്നത്‌. ആറു ലിറ്റര്‍ ഇന്ത്യന്‍ വിദേശനിര്‍മ്മിത മദ്യം പരപ്പനങ്ങാടി എസ്‌.ഐ ജയന്റേ നേതൃത്വത്തിലുള്ള പോലീസ്‌ സംഘം പിടിച്ചെടുത്തു. ബസിലെ ക്ലീനര്‍ ലിജോണ്‍ വര്‍ഗീസി(27)ന്റെ പേരില്‍ പോലീസ്‌ കേസെടുത്തു.
മഞ്ചേരിയിലെ ബീവറേജസ്‌ ഔട്ട്‌ലെറ്റില്‍ നിന്നും വാങ്ങിയ മദ്യം ആവശ്യക്കാര്‍ക്ക്‌ വന്‍തുകയ്‌ക്ക്‌ വില്‍പ്പന നടത്തുകയാണ്‌ പതിവെന്ന്‌ പോലീസ്‌ അറിയിച്ചു. പരപ്പനങ്ങാടിയിലുള്ള ബീവറേജസ്‌ ഔട്ട്‌ലെറ്റ്‌ പൂട്ടിയതോടെ വിവിധ പ്രദേശങ്ങളില്‍ നിന്നും പരപ്പനങ്ങാടിയിലേക്കും പരിസര പ്രദേശങ്ങളിലേക്കും മദ്യം എത്തിച്ച്‌ വില്‍പ്പന നടത്തുന്നുണ്ടെന്ന വിവരം ലഭിച്ചതിനെ തുടര്‍ന്നാണ്‌ പോലീസ്‌ പരിശോധനയും യുവാവ്‌ പിടിയിലായതും.
from kerala news edited
via IFTTT
