Story Dated: Saturday, December 27, 2014 01:05
ന്യൂഡല്‍ഹി: ഡ്യൂട്ടിക്കിടയില്‍ ബാര്‍ നര്‍ത്തകിക്കൊപ്പം യൂണിഫോമില്‍ നൃത്തം ചെയ്‌ത പോലീസ്‌ സബ്‌ ഇന്‍സ്‌പെക്‌ടര്‍ക്ക്‌ സസ്‌പെന്‍ഷന്‍. സൂററ്റ്‌ ഡിന്‍ഡോലി ഏരിയയിലെ സബ്‌ ഇന്‍സ്‌പെക്‌ടര്‍ ഡി സി സോളങ്കിയെയാണ്‌ പോലീസ്‌ ഉന്നതര്‍ സസ്‌പെന്‍ഡ്‌ ചെയ്‌തത്‌. അന്വേഷണത്തെ തുടര്‍ന്നാണ്‌ നടപടി.
ഇയാള്‍ ബാര്‍ നര്‍ത്തകിക്കൊപ്പം ആടിപ്പാടുന്ന വീഡിയോ വാട്‌സ്ആപ്പില്‍ വൈറലായതിന്‌ തൊട്ടു പിന്നാലെയായിരുന്നു നടപടി. കഴിഞ്ഞ ഡിസംബര്‍ 19 നായിരുന്നു സംഭവം നടന്നത്‌. ബാറില്‍ ഡ്യൂട്ടിക്കായി പോയ സോളങ്കി ഡ്യൂട്ടിക്കിടയില്‍ ആവേശം മൂത്ത്‌ നര്‍ത്തകിക്കൊപ്പം നൃത്തം ചെയ്യുകയായിരുന്നു.
സംഭവം ഇന്റര്‍നെറ്റിലൂടെ നാട്ടുകാരായ നാട്ടുകാരെല്ലാം കണ്ടതോടെ പോലീസ്‌ അന്വേഷണത്തിന്‌ ഉത്തരവിടുകയായിരുന്നു. പോലീസ്‌ ഉന്നതരുടെ നിര്‍ദേശത്തെ തുടര്‍ന്ന്‌ സൂററ്റ്‌ പോലീസ്‌ അന്വേഷണം നടത്തി റിപ്പോര്‍ട്ട്‌ ഡിസിപിയ്‌ക്കും സൂററ്റ്‌ സിറ്റി പോലീസ്‌ കമ്മീഷണര്‍ക്കും സമര്‍പ്പിച്ചിട്ടുണ്ട്‌.
വിരുതന്മാര്‍ സ്‌മാര്‍ട്‌ഫോണില്‍ രംഗം ചിത്രീകരിച്ച്‌ വാട്‌സ്ആപ്പില്‍ അപ്‌ലോഡ്‌ ചെയ്യുകയായിരുന്നു. നൃത്തത്തിനിടയില്‍ ഇയാള്‍ നര്‍ത്തകിക്ക്‌ മേല്‍ യൂണിഫോമില്‍ തന്നെ കറന്‍സി വര്‍ഷവും നടത്തുന്നത്‌ ദൃശ്യത്തിലുണ്ട്‌. ഡപ്യൂട്ടി കമ്മീഷണര്‍ എംഎം അനര്‍വാലയായിരുന്നു നടപടിയെടുത്തത്‌.
from kerala news edited
via IFTTT
