സണ്‍ ടിവി സിഒഒ പീഡനക്കേസില്‍ അറസ്റ്റില്‍
ചെന്നൈ: സണ്‍ ടിവി ചീഫ് ഓപ്പറേറ്റിങ് ഓഫീസറായ സി പ്രവീണിനെ ലൈംഗിക പീഡനക്കേസില്‍ അറസ്റ്റ് ചെയ്തു. സണ്‍ ടിവിയുടെ അനുബന്ധ സ്ഥാപനമായ സൂര്യ ടിവിയിലെ ഉദ്യോഗസ്ഥയായിരുന്ന സ്ത്രീ നല്‍കിയ പരാതിയിലാണ് സെന്‍ട്രല്‍ ക്രൈംബ്രാഞ്ചിന്റെ അറസ്റ്റ്. അണ്ണാനഗറിലെ വീട്ടില്‍നിന്ന് പുലര്‍ച്ചെ അഞ്ചിനാണ് പ്രവിണിനെ പിടികൂടിയത്.പീഡനത്തെതുടര്‍ന്ന് അഞ്ച് മാസംമുമ്പ് സ്ത്രീ ജോലി രാജിവെച്ചിരുന്നു. പരാതിക്കൊപ്പം വാട്‌സ്ആപ്പ് സന്ദേശങ്ങള്‍, ഫോണ്‍ കോള്‍ വിവരങ്ങള്‍ എന്നിവ ഇവര്‍ കൈമാറിയിരുന്നു.
ചെന്നൈ പോലീസ് കമ്മീഷണര്‍ എസ്. ജോര്‍ജ് കൂടുതല്‍ അന്വേഷണത്തിനായി സെന്‍ട്രല്‍ ക്രൈംബ്രാഞ്ചിന് കൈമാറുകയായിരുന്നു.
from kerala news edited
via IFTTT
