Story Dated: Thursday, December 25, 2014 04:15
തിരുവനന്തപുരം: മണക്കാട്ട്‌ കഞ്ചാവുമായി വില്‍പ്പനയ്‌ക്കെത്തിയ യുവാവ്‌ പിടിയില്‍. കരിമഠം കോളനി സ്വദേശി ജയനാണ്‌ ഫോര്‍ട്ട്‌ പോലീസിന്റെ പിടിയിലായത്‌. ഇന്നലെ വൈകിട്ട്‌ മണക്കാട്‌ മാര്‍ക്കറ്റിനു സമീപം വില്‍പ്പനക്കായി കൊണ്ടുവന്ന 72 ഗ്രാം കഞ്ചാവുമായി ജയന്‍ പിടിയിലായതായി പോലീസ്‌ പറഞ്ഞു. നര്‍ക്കോട്ടിക്‌ എ.സി. ആര്‍. ദത്തന്റെ നേതൃത്വത്തില്‍ ഫോര്‍ട്ട്‌ സി.ഐ.അജിത്‌ ചന്ദ്രനും എസ്‌.ഐ. ഷാജി മോനും ഉള്‍പ്പെട്ട സംഘമാണ്‌ പിടികൂടിയത്‌. ക്രിസ്‌മസ്‌, ന്യൂ ഇയര്‍ പ്രമാണിച്ച്‌ വ്യാജമദ്യവും കഞ്ചാവും മയക്കുമരുന്നുകളും വ്യാപകമാകുന്നുവെന്നതിന്റെ അടിസ്‌ഥാനത്തിലാണ്‌ ഫോര്‍ട്ട്‌ പോലീസ്‌ പരിശോധന കര്‍ശനമാക്കിയത്‌. വരും ദിവസങ്ങളില്‍ പരിശോധന കര്‍ശനമാക്കുമെന്ന്‌ പോലീസ്‌ പറഞ്ഞു.
from kerala news edited
via IFTTT
