രാജേഷ് പിള്ള സംവിധാനം ചെയ്യുന്ന പുതിയ ചിത്രം 'മിലി'യുടെ പ്രോമോ സോങ് പുറത്തിറങ്ങി. ഷാന്‍ റഹ്മാന്‍ സംഗീതം നല്‍കി ആലപിച്ചിരിക്കുന്ന 'മണ്‍പാത നീട്ടുന്ന...' എന്ന ഗാനമാണ് പ്രോമോ ആയി പുറത്തിറക്കിയിരിക്കുന്നത്.
ചിത്രത്തിലെ മറ്റൊരു സംഗീത സംവിധായകനായ ഗാപി സുന്ദറും ഗാനരംഗത്തില്‍ പ്രത്യക്ഷപ്പെടുന്നുണ്ട്. ചിത്രത്തിലെ ടൈറ്റില്‍ കഥാപാത്രത്തെ അവതരിപ്പിക്കുന്ന അമല പോളും ബേബി നന്ദനയുമാണ് ഗാന രംഗത്തില്‍ പ്രത്യക്ഷപ്പെടുന്ന മറ്റു രണ്ടു പേര്‍.
ചിത്രത്തിന്റെ പ്രമേയത്തെ കുറിച്ചുള്ള സൂചന നല്‍കും വിധമാണ് പ്രോമോ സോങ് ഒരുക്കിയിരിക്കുന്നത്. മിലി എന്ന അന്തര്‍മുഖയായ പെണ്‍കുട്ടിയുടെ ജീവിതത്തെ ആസ്പദമാക്കിയാണ് ചിത്രത്തിലെ കഥ വികസിക്കുന്നത്.
ട്രാഫിക്കിന് ശേഷം രാജേഷ് പിള്ള സംവിധാനം ചെയ്യുന്ന ചിത്രമെന്ന നിലയില്‍ ഏറെ പ്രതീക്ഷകള്‍ ഉയര്‍ത്തുന്ന ചിത്രമാണ് മിലി. നിവിന്‍ പോളിയാണ് നായകന്‍. സനുഷ, ഷംന കാസിം, സായ്കുമാര്‍, ബിന്ദു പണിക്കര്‍, അമോല്‍ പലേക്കര്‍ തുടങ്ങിയവരാണ് ചിത്രത്തിലെ മറ്റു താരങ്ങള്‍.
from kerala news edited
via IFTTT
